«Салты жақсының – халқы жақсы»

«Салты жақсының – халқы жақсы» облыстық байқауында қазақтың салт-дәстүрлері мен әдет-ғұрыптарын білуде 32 ұжым жарысты

2020 жылдың 6 қарашасында Ақмола облысы білім басқармасының жанындағы «Өнерпаз дарынды балалармен жұмыс жүргізу жөніндегі облыстық оқу-әдістемелік орталығы» ізгілікке, адамгершілікке, гуманистікке шақыратын қазақтың салт-дәстүрлері мен әдет-ғұрыптарының тәрбиелік қызметін белсендіруге ықпал ету мақсатында «Салты жақсының – халқы жақсы» облыстық сырттай байқауын өткізді.

Байқауға 11 аудан (Астрахан, Аршалы, Ақкөл, Атбасар, Біржан сал, Бұланды, Бурабай, Егіндікөл, Зеренді, Қорғалжын, Целиноград) мен Нұр-Сұлтан қаласының білім алушыларынан барлығы 32 жұмыс қабылданды.

Қатысушылардың жұмыстарын білікті қазылар алқасы бағалады: Ерманова Бостангүл Азатқызы – Мағжан Жұмабаев атындағы облыстық әмбебап ғылыми кітапханасының көпшілік іс-шаралар және қоғаммен байланыс бөлімінің меңгерушісі; Аменова Ғалия Бақытқызы – Ақан сері атындағы жоғары мәдениет колледжінің оқытушысы; Абжанова Гульфруза Асылбекқызы – Өнерпаз дарынды балалармен жұмыс жүргізу жөніндегі облыстық оқу-әдістемелік орталығындағы «Үкілі домбыра» үйірмесінің жетекшісі.

Қазылар алқасы отырысының нәтижесі бойынша келесі шығармашылық топтар жүлделі орындарға ие болды.
І орын – Қорғалжын ауданы, Үсенов атындағы Сабынды орта мектебі ұжымы;
ІІ орын – Бурабай ауданы, Зеленобор орта мектебінің ұжымы;
ІІ орын – Бурабай ауданы, №1 мектеп-гимназиясы ұжымы;
ІІІ орын - Берікжан Жамила , Аршалы ауданы, Абай атындағы Бұлақсай орта мектебі.
ІІІ орын - Бурабай ауданы, Кенесары ауылы, Сәтпаев атындағы орта мектебінің ұжымы.